DUBNÝ KAMEŇ 2017

Oj, na hori dva dubky, oj, na hori dva dubky,…..tak sme začinali oslavu vertaňa ša z Dubnoho kameňa. I toho roku (2017) sme začali jak furt, rano okolo osmej sme vyrazili okolo Patoraja smerom ku lisu. Bylo nas devetnac a zaujimave je, že vekovyj rozdiel medži najmolodšym a najstarsym bylo 60 roky. Počasie bylo zrana dobre, no poobidi už bylo poriadni teplo.

Zastavky sme mali asi pjať, de sme ša občerstvovali a oddychovali. Humor nas neopušťal. Pred obidom sme došli na misce zvane Dubnyj kameň, pre dakoho Zbojnicka jaskyňa. Ked ša kuknete na spoločnu fotku, mame tam zastupiňa i z poza hranic z nedalekej Ukrajiny, rusyňskej dediny Verchovina Bystra. Vasiľ i joho syn Mark nas poctili svojom navšetvom a najvyššu horu Kurčinskej Magury zdolali bez problemoch.

Pochvaliti ša možeme aj najmenšyma, kotrych sme mali toho roku najvecej a to bez slzoch v očoch (Andrej, Mark, Rado, Sandra a Emma). Keď sme ša vertali domu, zastavili sme ša išti v Bovcu pri vodi Vajcovka na ochutnavku zdravej/smerďačej vody. Nebylo domu daleko ale posledna pol hodina je najťažša, sme vyčerpany a už ša bars tišyme na obid a občerstviňa. Nič neje krajše, jak sobi zašademe spolu a porozpravjame po dobrym obidi. Išti krajše je, keď sobi zašpivame. Ďakuju šytkym učastnikom vystupu, najme tym najmenšym a najstaršym. Virju, že nas na druhyj rik bude zase tak pospolu a tišu ša na Vas šytkych.

  Autor a foto: Ľuboslav Leško